ကျနော်တို့သင့်မြတ်ကြရအောင် ( ၂ )

  လွတ်လပ်ရေး ရပြီးကတည်းက ဖဆပလ အစိုးရ  က တိုင်းရင်းသားတွေရဲ့ အခွင့်အရေးတွေကို အသိအမှတ် မပြုလို့ လက်နက်ကိုင်တော်လှန်နေခဲ့ကြတာ
ခုချိန်ထိ မပြီးသေးပါဘူး ။အခုနယ်စပ် တစ်လျှောက်မှာရှိနေတဲ့ တိုင်းရင်းသားလက်နက်ကိုင် အဖွဲ့ တွေ အကုန်လုံး က သက်ဆိုင်ရာ လူမျိုးစုအသီးသီး  ရဲ့ ဘဝ တိုးတက်ဝပြောရေး
အတွက် တိုက်ခဲ့ကြပေမယ့်  လို့ အခုချိန်ထိ သိသာတဲ့ တိုးတက်ပြောင်းလဲမှုတွေမတွေ့ရပါဘူး။တိုးတက်မှု အနည်းအကျဉ်း ရှိတယ်ဆိုရင်တောင် အများစုတွေရဲ့ ဘဝက
 ပြောင်းလဲတိုးတက် သွားတာထက် အစိုးရ စစ်တပ် နဲ့ လက်နက်ကိုင်အဖွဲ့တွေ တိုက်ပွဲ ဖြစ်တဲ့အချိန် စစ်ပြေးရတဲ့ ဒုက္ခ ကပိုကြီးမှာပါ ။ ကျနော် က နှစ်ခြောက်ဆယ် ပြည်တွင်း
စစ်ရဲ့ ရလဒ် ကို ကျနော့်တကိုယ်စာ အမြင်နဲ့ အကြမ်းဖျင်း ပြောပြတာပါ ။ လက်နက်ကိုင်တိုက်ပွဲဝင်တာ မှန်သလားမှားသလား ဆိုတဲ့ ကိစ္စက နောက်ကခေါင်းစဉ်တစ်ခု အနေနဲ့
ဆွေးနွေး မှ ရမှာပါ ။
ပြီးတော့ လက်နက်မကိုင်ပဲ လမ်းပေါ်ထွက်ဆန္ဒပြခဲ့ကြတာလည်း ဗိုလ်ချုပ်နေဝင်း အာဏာသိမ်းပြီးကတည်းက ခု နောက်ဆုံး ၂၀၀၇ ခုနှစ် ရွှေဝါရောင်တော်လှန်ရေး
အထိ အစိုးရ အဆက်ဆက်က အကြမ်းဖက် ဖြေရှင်းလို့ အပြောင်းအလဲတစ်ခုဖြစ်သွားတယ်ဆိုတာထက်ရဟန်းရှင်လူပြည်သူ တွေရဲ့ အသက်
နှင့်ဘဝ တွေဆုံးရှုံးခဲ့ကြရတာပဲအဖတ်တင်ကျန်ခဲ့တာပါ။၁၉၈၈ မှာဖြစ်ပွါးခဲ့တဲ့ ၈၈ အရေးတော်ပုံ ကြောင့် မဆလ အစိုးရ ပြုတ်ကျသွားတာ
အပြောင်းအလဲ မဟုတ်လို့ဘာလဲ လို့ ထောက်ပြရင်တောင် အဲဒါဟာ အစိုးရ အပြောင်းအလဲ ပဲဖြစ်ခဲ့တာပါ။ စံနစ်တစ်ခု ပြောင်းလဲသွားခဲ့
တာမဟုတ်ပါဘူး။ ကျနော်တို့ လိုချင်တဲ့ လောကပါလတရားထွန်းကားတဲ့ လူ့အဖွဲ့အစည်းတစ်ခု ဖြစ်မလာခဲ့ပါဘူး။ အဲဒီလိုလမ်းတွေပေါ်ထွက်ဆန္ဒပြတာ အလကား လို့တော့မပြောရဲပါဘူး။ အဲဒီလိုပြောလိုက်ရင် ခေတ်အဆက်ဆက်
အသက်ပေးခဲ့ကြတဲ့အာဇာနည်တွေ ၊ အခုအကျဉ်းထောင်တွေထဲမှာ ကြံ့ကြံ့ခံ နေကြတဲ့ သူတွေကို အကြီးအကျယ်
စော်ကားတာပါပဲ။  တစ်ချို့ ဒီမိုကရေစီရေး
လှုပ်ရှားသူတွေက ၈၈ အရေးတော်ပုံ နောက်တစ်ခုထပ်ဖြစ်ဖို့ မျှော်မှန်းနေကြပါတယ် ။ ဖြစ်ချင်ရင်လည်း ဖြစ်မယ် ။ မဖြစ်နိုင်ဘူးလို့ ကျနော်
အပြတ်မငြင်းချင်ပါဘူး။ ဒါပေမဲ့ ဖြစ်လာခဲ့လို့ရှိရင် ကျနော်တို့လိုချင်တဲ့ အပြောင်းအလဲ မျိုးဖြစ်မဖြစ် မသေချာပေမယ့် အစိုးရက အကြမ်းဖက်ဖြိုခွင်းမှာ သေချာနေတာမို့လို့ အသက်နှင့်ဘဝတွေထပ်ပေးကြရဦးမှာသေချာသလောက် ပါ။
မြဝတီတိုက်ပွဲ စဖြစ်တဲ့နေ့က ပြည်သူတွေ မဲဆောက်ဖက်ကို စစ်ပြေးကြရတဲ့ ဗီဒီယို သတင်းကိုကြည့်ပြီး  အကြီးအကျယ်
စိတ်ထိခိုက်ရပါတယ်။ ကျနော်တို့က စစ်လည်းမတိုက်ဖူး၊ စစ်ရဲ့အနိဋ္ဌာရုံ တွေကိုလည်းမကြုံဖူးတော့ ထစ်ကနဲ ဆို တိုက်မယ်ဆိုတာချည်း ဖြစ်ခဲ့ဖူး
ပါတယ်။အခုတော့ အကြမ်းပတမ်းနည်းတွေကိုရှောင်တာ ပြည်သူလူထုအတွက် အကောင်းဆုံးလို့လည်း တွေးမိပါတယ်။
စစ်တိုက်ဖူးတဲ့သူတွေက စစ်ရဲ့ဆိုးကျိုးကို နီးနီးကပ်ကပ်ပိုတွေ့ရလို့ သာမာန်အရပ်သားတွေထက်တောင်မှ စစ်ပွဲတွေကို ပိုမလိုလားတာပါလို့
မြဝတီ တိုက်ပွဲသတင်းတစ်ပုဒ်အောက်မှာ ရေးထားတဲ့ မှတ်ချက်တစ်ခုကိုလည်း ဖတ်လိုက်ရပါတယ်။ ဒီကေဘီအေ လက်ထဲမှာ ခဏ တဖြုတ်
အဖမ်းခံခဲ့ရတဲ့ ဗိုလ်ကြီးကျော်သက် ကလည်း ဒီကေဘီအေ လက်ကလွတ်ရင် မိသားစုနဲ့ အတူအေးအေးလူလူပဲ လုပ်ကိုင်စားသောက်တော့မယ်လို့
ပြောသွားပါတယ်။ဗိုလ်ကြီးကျော်သက် ကို ပြန်မလွှတ်ခင် အင်တာဗျူးတဲ့ ဒီကေဘီအေ တပ်မှူးကလည်း တွေ့ဆုံဆွေးနွေးရေးနဲ့သာ ငြိမ်းချမ်းရေး
ကိုတည်ဆောက်နိုင်မယ်ဆိုတဲ့ သူ့ရဲ့သဘောထားကို ပြောသွားပါသေးတယ်။
ဒီတော့ဗျာ အကုန်လုံးမဟုတ်ရင်တောင် တော်တော်များများက ငြိမ်းငြိမ်းချမ်းချမ်းနဲ့ ဖြေရှင်းရတာကို ပိုသဘောကျကြလိမ့်မယ်လို့
ယုံကြည်ပါတယ်။
 အဲဒီတော့ ဒီကနေ စပြီး အမျိုးသားပြန်လည်သင့်မြတ်ရေး ကို ကျနော်တဲ့တိုးပဲပြောပါတော့မယ်။ တော်တော်များများက အမျိုးသားပြန်လည်သင့်
 မြတ်ရေးလို့ တစ်ဖက်ကပြောပြီး တစ်ခြားတစ်ဖက်မှာ ဗိုလ်ချုပ်မှူးကြီးသန်းရွှေ နဲ့ ထိပ်ပိုင်း ဗိုလ်ချုပ်ကြီးတွေကို နိုင်ငံတကာစစ်ရာဇဝတ်ခုံရုံး
တင်ဖို့လှုပ်ဆော်နေကြ တဲ့ လိုက်လျောညီထွေမဖြစ်တဲ့ အလုပ်နှစ်ခုကို တစ်ပြိုင်ထဲလုပ်ကြတော့ ဘယ်လိုနားလည်ရမှန်းမသိတာ အမှန်ပဲဗျာ။
 ။ အဖြေကရှင်းရှင်းလေးဗျာ။ လူတစ်ယောက်ကို ကိုယ့်နွား ခိုးပါတယ်ဆိုပြီး သူကြီး ကိုထိပ်တုံးခတ်ဖို့ သွားပြော၊ တစ်ချိန်ထဲမှာပဲ သူငယ်ချင်း
ငါ့နွားပျောက်သွားလို့ကွာ မနက်ဖြန် လယ်ထွန်ဖို့ မင်းနွားခဏလောက်ငှါးပါ ဆိုဘယ်သူကလက်ခံမှာလဲ။
 တစ်ဖက်နှင့်တစ်ဖက် တင်းတင်းမာမာတွေဆက် လုပ်နေကြရင် တိုင်းပြည်က စုပ်သထက်စုပ်ဖို့ပဲရှိတော့တယ် ။ ကျနော်တို့ဖက်က ခွင့်လွတ်စရာရှိတာ
ခွင့်လွတ်ကြမှ တစ်ဖက်ကလည်း ပျော့ပျော့ပျောင်းပျောင်းဖြစ်လာမှာ ။ ကျနော်တို့ ရှင်းရှင်းလင်းလင်း သိထားရမှာက အဓိက က တိုင်းပြည်ရဲ့ အနာဂတ်
သာယာလှပဖို့ပါ ။ ဗိုလ်ချုပ်ကြီးတွေကို ခုံရုံးတင်ဖို့ မဟုတ်ပါဘူး ။
   ၁၉၉၀ ရွေးကောက်ပွဲ  အနိုင်ရပြီး  NLD သတင်းစာရှင်းလင်းပွဲလုပ်တော့
သတင်းထောက်တစ်ယောက်က အစိုးရဖွဲ့ပြီးရင် အာဏာသိမ်းဗိုလ်ချုပ်တွေကို စစ်ခုံရုံးတင်ဖို့ရှိသလား လို့မေးတော့ အန်ကယ်ဦးကြည်မောင်က
မြန်မာနိုင်ငံမှာ စစ်ဗိုလ်ချုပ်တွေအတွက် နုရင်ဘတ်လို စစ်ခုံရုံးမျိုး မလိုအပ်ပါဘူးလို့ ပြန်ဖြေ ပါတယ်။ မလိုအပ်ပဲနဲ့ အာဏာရှင်အများစုကြောက်ကြ
တဲ့ နုရင်ဘတ် ဆိုတဲ့စကားကို ဘာလို့ထည့်ပြောသလဲဗျာ။ ပိုဆိုးတာက အဲဒီမေးခွန်းမေးတဲ့သတင်းထောက်က သတင်းကိုမူရင်းအတိုင်းမရေးပဲ
ကွင်းစကွင်းပိတ်နဲ့ ( ဥပမာ - ဗိုလ်ချုပ်ခင်ညွန့် ) လို့ ထည့်ရေးတော့ ပိုဆိုးကုန်ရော။ အဲဒီသတင်း ကို ဗိုလ်ချုပ်ခင်ညွန့် တွေ့တော့ သူတို့ကို ခြိမ်းခြောက်
စကားပြောတယ်ဆိုပြီး အန်ကယ်ဦးကြည်မောင် ကို အကြီးအကျယ်ဒေါသထွက်ပြီး ထောင်ထဲထည့်ဖို့ကြိုးစားတော့တာပဲ ။ အန်ကယ်ဦးကြည်မောင်လည်း
မရှိတော့ပါဘူး။ မရှိတော့ ( ကွယ်လွန်သွား ) တဲ့ သူကို အပြစ်မတင်ကောင်းဘူး ဆိုတဲ့စကားကြောင့် ရှည်ရှည်ဝေးဝေး ဆက်မပြောတော့ပါဘူး ။ ဒါပေမဲ့ တိုင်းပြည်
ကံကြမ္မာ ကိုယ့်လက်ထဲ ရှိနေတဲ့အချိန်မှာ စကားကို ချိန်ချိန်ဆဆ ပြောဖို့လိုတယ်လို့တော့ထင်တာပဲဗျာ။
 အခု ကျနော် စစ်တပ်ထဲက ညီအကိုတွေနဲ့ စကားပြောချင်တယ် ဆိုတာလည်း သူတို့ကို စည်းရုံးပြီး ဗိုလ်ချုပ်ကြီးတွေကို အာခံ ၊ အဲဒီလိုမဟုတ်ပါဘူး ။ သူတို့ကို
စည်းရုံးလို့လည်းရမှာမဟုတ်ပါဘူး။ သူတို့တွေက စည်းရုံးရေးပညာကို ကိုယ့်ထက်တောင်ပိုတတ်လို့ ကိုယ့် ကို စည်းရုံးသွားဖို့ က ဖြစ်နိုင်ခြေပိုများပါမှာ။
 သူတို့ခံစားချက်တွေကို နားထောင်၊  ကျနော်တို့ ခံစားချက်တွေ ကိုပြောပြ ၊ အမြင်မတူတာတွေရှိ ကြေကြေလည်လည်ဆွေးနွေး ၊ ပြီးတော့ ကျနော်တို့ ဆွေးနွေး
ငြင်းခုန်ထားတာတွေ နှစ်ဖက်စလုံးကလူကြီးတွေ  ဖတ်မိ ၊ ဖတ်ဖြစ် အောင်နည်းလမ်းရှာကြိုးစား ၊ ကျနော်စဉ်းစားမိတာ အဲဒီလိုပါ ။
   နောက်ကျနော် သေချာပေါက် ပြောရဲတာတစ်ခု က ဗိုလ်ချုပ်ကြီးတွေကို တိုင်းပြည် စနစ်ပြောင်းလဲသွားရင်လည်း သူတို့ရဲ့ အသက် အိုးအိမ် စည်းစိမ် နဲ့ မိသားစုဘဝ အနေအထားကို လုံးဝထိခိုက်မှု မရှိစေရပါဘူးဆိုတဲ့ အာမခံမှုမျိုး ကို အခိုင်အမာ မပေးနိုင်မချင်း ဒီဖက်ကလူတွေနဲ့  တွေ့ဆုံဆွေးနွေးဖို့ စဉ်းစားမှာ မဟုတ်ဘူး ဆိုတာပါပဲ။
ဒီဘလော့ဂ် ကို ပြည်တွင်းကညီအကိုမောင်နှမတွေကိုလည်းဖတ်စေချင်တဲ့အတွက် အစိုးရ ဆန့်ကျင်ရေးစာတွေရေးဖို့
လုံးဝအစီအစဉ်မရှိပါဘူးခင်ဗျ။ ဒီအပေါ်အားမလို အားမရဖြစ်မဲ့ညီအကိုတွေ ရှိကောင်းရှိမှာပါ ။ အခု အစိုးရဆန့်ကျင်ရေး
တစ်လုံးမှမပါတာတောင် ကျနော်နဲ့ အီးမေးလ် အဆက်အသွယ်ရှိကြတဲ့ပြည်တွင်းက သူငယ်ချင်းတွေက ကျနော်ပို့ထားတဲ့ လင့်ခ် ကို
ဖွင့်လို့ မရပါဘူးတဲ့ ။ ပြီးတော့ အစိုးရဆန့်ကျင်ရေးတွေရေးရင် အမျိုးသားပြန်လည်သင့်မြတ်ရေးဆိုတဲ့ လက်ရှိဦးတည်ချက်နဲ့ လည်း
ကန့်လန့် ဖြစ်နေပါလိမ့်မယ်။ နောက် အစိုးရဆန့်ကျင်ရေးတွေရေးနေယုံနဲ့ ကျနော်တို့ချစ်တဲ့ တိုင်းပြည်ကြီး သာယာဝပြောလာလိမ့်မယ်
လို့ ကျနော် မယုံကြည်လို့ပါ ။

အခုဒီပို့စ် နဲ့ တစ်ဆက်တည်းပြောစရာတစ်ခုရှိတယ်ဗျ ။ ကျနော့် Comment Setting  ကို မသိဘဲနဲ့    Moderatoin လုပ်ထားမိတော့ Comments တွေ Automatic  တက်မလာဘူး ။
မှတ်ချက်လာပေးသွားတဲ့ ညီအကိုနှစ်ယောက် သူတို့ Comments တွေချက်ချင်းတက်မလာလို့ စိတ်ပျက်နေလောက်ပြီ။ အဲဒီအတွက် အနူးအညွတ်
တောင်းမှန်ပါတယ်ခင်ဗျာ။ အခု Setting Change လိုက်လို့ ချက်ချင်းရေး ချက်ချင်းဖတ်လို့ရပါပြီဗျာ ။
ချစ်သောညီအကိုမောင်နှမများအားလုံးကျန်းမာရွှင်လန်းကြပါစေခင်ဗျား