ပြောချင်သမျှဟိုတစ်စဒီတစ်စ

အကိုရေ
          ကျနော်လည်းလူငယ်ဆိုပေမယ့် သိပ်မငယ်တော့ပါဘူး ။ ပြီးတော့ အကို့ လိုပဲ တောင်သူလယ်သမား မျိုးရိုးကပဲဆင်းသက်လာတာပါ။
                   ၁၉၈၈ ပြည်လုံးကျွတ် အရေးတော်ပုံ ဖြစ်တော့ ကျနော် ခြောက် တန်းပါ။
 ကျနော်တို့မြို့မှာ ဩဂုတ်လ ကိုး ရက်နေ့မှ စပြီး ဆန္ဒပြကြတာပါ။ ကျနော်တို့ကျောင်းက ကျောင်းသားဦးရေနည်းတဲ့ မြို့စွန်နားက
ကျောင်းဆိုတော့ ဘာမှရုတ်ရုတ်သည်းသည်း မဖြစ်ခဲ့ပါဘူး။ ဆရာ ၊ဆရာမ တွေ ကင်းစောင့်သလိုမျိုး စာသင်ဆောင်တွေရဲ့ စင်္ကြန်လမ်း
တစ်လျှောက် ခေါက်တုန့်ခေါက်ပြန် လျှောက်နေကြတာပဲရှိပါတယ်။ ကျနော်တို့ အတန်းပိုင်ဆရာမ ကလည်း ကျနော်တို့ကိုအပြင်လုံးဝ
ထွက်မလာဖို့ ပြောထားလို့ ကျောင်းအကန့်အသတ်မရှိပိတ်လိုက်ပြီလို့ ဆရာမ ပြန်လာပြောတဲ့ နေ့လယ်တစ်နာရီလောက် အထိ အတန်းထဲ
မှာပဲ ငုတ်တုတ်ထိုင်ခဲ့ကြတာပါ။ မြို့လယ်က ကျောင်းသားဦးရေများတဲ့ ကျောင်း သုံး ကျောင်း ရဲ့ရှေ့တွေကိုတော့ ရန်ကုန် ကဆင်းလာတဲ့ ကျောင်းသား
ခေါင်းဆောင် တွေ တရားလာဟောပြီး အပြင်ထွက် ဆန္ဒပြဖို့ စည်းရုံး တာကို ဆရာ၊ ဆရာမ တွေပိတ်ထားတဲ့ကြားက အတန်းကြီးတဲ့ ကျောင်းသားတွေက
ပြတင်းပေါက် တံခါးတွေရိုက်ချိုးပြီး အပြင်ထွက်ဖို့ကြိုးစား ကြလို့ တော်တော်လေး ရုန်းရင်းဆန်ခတ် ဖြစ်ခဲ့ကြတယ်လို့ နောက်ပိုင်းပြန်ကြားရပါတယ်။
   ကျနော်တို့ညီအကို လေးယောက်ကို အဖေက ရွာကို ချက်ချင်းပြန်လာခဲ့ဖို့ လူကြုံ နဲ့မှာလိုက်လို့ နောက်နေ့မနက်စောစောပဲ
အိမ်ကိုသော့ခတ်ပြီး ရွာကို ကားတတန် စက်လှေတတန် နဲ့ပြန်ခဲ့ကြပါတယ် ။ ညနေ ကျနော်တို့ ရွာပြန်ရောက်တော့ ရွာက ကာလသားတွေနဲ့
လူကြီးတွေက မြို့ကိုတက်ပြီးဆနပြဖို့ စက်လှေတွေဘာတွေနဲ့ ပြင်ဆင်နေကြပြီ။ နောက်နေ့ ဩဂုတ်လ (၁၁) ရက်နေ့ မနက်စောစော
မှာတော့ စက်လှေတွေပေါ်မှာ  " တောင်သူလယ်သမား သမဂ္ဂ ဖွဲ့စည်း ရေး .........       "  ဘာအရေး ,
ညာအရေး တွေအော်ပြီး  အဲဒီနေ့မှာ သူတို့
တွေလိုပဲ ကျေးရွာအသီးသီးက မြို့ပေါ်ကိုတက်လာကြမယ့်  တောင်သူလယ်သမား တပ်ပေါင်းစုနဲ့ ပူးပေါင်းဖို့ ခုတ်မောင်း ချီတက်သွားကြလေရဲ့ ။
  အဲဒီတုန်းက ငယ်သေးတော့ ဒီမိုကရေစီ ရရှိရေး မရရှိရေးထက်  ကျောင်းတွေ
အကန့်အသတ်မရှိ ပိတ်လို့ ပိုပျော်တာ အမှန်ပါပဲ ။

အကို့ ဆောင်းပါး " အာဏာကိုဘယ်သူပိုင်သလဲ " ကို ဖတ်လိုက်ရတော့ ကျနော် အရမ်းဝမ်းသာသွားတယ်အကို ။
ကျနော် ယုံကြည်ထားသလိုပဲ စစ်တပ်ထဲမှာ လွတ်လပ်ငြိမ်းချမ်းမှုကိုမြတ်နိုးတဲ့၊ ပြည်သူ့လူထုရဲ့ အသက်အိုးအိမ်စည်းစိမ် ကိုကာကွယ်ရတဲ့ စစ်တပ်ရဲ့ ( professional )
အလုပ်အပေါ်မှာ ဂုဏ်ယူကြတဲ့ စစ်သည် တပ်မှူးတွေ ရှိနေတယ်ဆိုတာသိလိုက်ရလို့ပါ။ ရန်ကုန်မှာ LCCI ဖြေမဲ့ သူတွေကို ကျူရှင်လိုက်ပြပေးနေတဲ့
ကျနော့် သူငယ်ချင်းတစ်ယောက်က ဗိုလ်မှူးကြီး တစ်ယောက်ရဲ့ သမီး ကိုစာသွားသင်ပေးတုန်းက ဗိုလ်မှူးကြီးကအမြဲတမ်းလိုလို အစိုးရလုပ်ပုံ ကိုင်ပုံတွေ
ကိုသဘောမကျလို့  တစ်ချိန်လုံးငြီးငြီးငြူငြူပြောနေတတ်တဲ့အကြောင်း ကျနော့် ကိုပြန်ပြောဖူးပါတယ်။
 အဲဒီဗိုလ်မှူးကြီးတို့လိုတပ်မှူးတွေ ၊ အကိုတို့လို အမြင်ကျယ်တဲ့ သူတွေ စုစုစည်းစည်း ပေါင်းမိရင်၊ အဲဒီလိုပေါင်းမိ တဲ့ စစ်သည်တပ်မှူးတွေကို ကျနော်တို့ဖက်
က ဖက်လှဲတကင်း ရှိရင် ပြည်သူတွေလိုလားတောင်းတနေတဲ့ အရာတွေကို စုစုစည်းစည်း အရေးဆိုတဲ့အခါ ဗိုလ်ချုပ်ကြီးတွေ နားထောင်လာလိမ့်မယ်လို့
ကျနော် ထင်ပါတယ်အကို။
  အန်တီစု ဧရာဝတီ သတင်းဌာနနဲ့ အင်တာဗျူးလုပ်တုန်းကပြောဖူးပါတယ် ။ တွေ့ဆုံဆွေးနွေးရေး ကိုတောင်းဆိုနေတယ်ဆိုတာ ဘယ်သူကနိုင်စေ၊
ဘယ်သူကရှုံးစေ စကားနိုင်လုကြဖို့မဟုတ်ပါဘူးတဲ့ ။ တစ်ဖက်ကဖြစ်ချင်တာကို တစ်ဖက်နားထောင်ပြီး နှစ်ဦးနှစ်ဖက် အဆင်ပြေမဲ့ နည်းလမ်းကိုရှာဖွေကြဖို့ပါတဲ့။    အခုလည်းတစ်ဖက်နဲ့တစ်ဖက်တင်းတင်းမာမာတွေဆက်လုပ်နေကြရင်တိုင်းပြည်လည်းဖွတ်ဖွတ်ညက်ညက် ကျေသထက်ကျေဖို့ပဲရှိတော့တာမို့ရှဥ့်လျှောက်ပျားစွဲ အနေအထားတစ်ခုဖန်တီးဖို့လိုအပ်တယ်ထင်လို့ သင့်မြတ်ရေးလမ်းစဉ်ကိုရွေးတာပါ အကို။     
                   ပြီးတော့ အကိုပြောတဲ့ မလောက်လေးမလောက်စား ကိစ္စလည်းပြောချင်နေတာကြာပါပြီ ။ ခေတ်နောက်ပြန်ဆွဲပြီး အလုပ်မဖြစ်တဲ့ ဂျီစီဘီအေ ကလူကြီးတွေကို တို့ဗမာအစည်းအရုံး ကိုတည်ထောင်ကြမယ့်သခင်ပေါက်စတွေက လှောင်ပြောင်ရှုတ်ချ တာကို ကျနော်ဖတ်ဖူးပါတယ်။

ဒေါက်တာလွဏ်းဆွေ လည်း ဟိုးအရင်ကတည်းကနိုင်ငံရေးလုပ်လာခဲ့ကြတဲ့သူတွေက အခုမှစလုပ်တဲ့ သူတွေကို ဝါစဉ် သမ္တာစဉ် တွေနဲ့ယှဉ်ပြီးနှိမ်ချင်ကြတဲ့ အကြောင်းရေးဖူးပါတယ်။အဲဒီလူတွေ အလုပ်မဖြစ်လို့ ဘာ generation  ညာ generation ဆိုပြီး ကျောင်းသားမျိုးဆက် အသစ်အသစ်တွေပေါ်လာရတာပါ။
၁၉၉၀ ရွေးကောက်ပွဲပြီးကတည်းက အစိုးရဖွဲ့ရဲတဲ့ သတ္တိရှိခဲ့ကြရင် ရွှေဝါရောင်တော်လှန်ရေး လိုမျိုး ဝမ်းနည်းစရာအဖြစ်တွေလည်း ဖြစ်လာစရာအကြောင်းမရှိပါဘူး။ကျောင်းသားတွေလည်းကိုယ့်စာကိုယ်သင် ၊ ကိုယ်တော်တွေလည်း ကိုယ့်တရား ကိုယ်အားထုတ်ယုံပါ ။  ဂန္ဒီခန်းမ ကိစ္စကို အကျယ်အကျယ် ဖြစ်မှာစိုးလို့ ကျနော် မပြောတော့ပါဘူး။ တိုင်းပြည် ပြောင်းလဲတိုးတက်ရေးအတွက် တစ်တပ်တစ်အားပါဝင်လာတဲ့သူတွေကို ကြိုဆိုရမယ့် အစား အတန်းအစားခွဲနေတာ နားမလည်နိုင်စရာပါ အကို။
 ဟိုးအရင်ကတည်းက နိုင်ငံရေးလုပ်လာတဲ့ ၊ လုပ်စားလာတဲ့သူတွေ လို ကျနော်တို့ နိုင်ငံရေးပရိယာယ် မကြွယ်တာ၊
နိုင်ငံရေးပါးမဝတာ အမှန်ပါပဲ ။ ဒါပေမယ့် ကျနော်တို့ ကိုယ်ထဲမှာလည်း   သူတို့ထက်ပိုမနီတောင် မလျော့တဲ့   တိုင်းပြည်ကိုချစ်တဲ့
အနီရောင်သွေးတွေ လည်ပတ်နေတယ်လို့ ပြောပါရစေ။

ပြီးတော့နောက်တစ်ခုရှိသေးတယ်ဗျ ။ နိုင်ငံရေး ပုဒ်မနဲ့ ထောင်ကျဖူးတဲ့လူတွေက စာရေးလို့ရှိရင် သူတို့ထောင်ကျဖူးတဲ့
အကြောင်းကို မပါမဖြစ် ဂုဏ်ပုဒ်တစ်ခုလိုထည့်ထည့်ရေးကြတာ။ ကျနော် မစာနာလို့ပြောတာမဟုတ်ပါဘူး ။ ကိုဝင်းနိုင်ဦး ရေးတဲ့
" လူငယ်တစ်ဦး၏နေ့စဉ်မှတ်တမ်း " ကိုရော ကိုနေလင်း ရေးတဲ့ " လူရှင်သင်္ချိုင်းများအကြောင်း " ကိုရော ဖတ်ဖူးလို့ မြန်မာပြည်
အကျဉ်းထောင်တွေထဲမှာနေရတာ ဘယ်လောက် ဒုက္ခကြီးသလဲဆိုတာ ကျနော်သိပါတယ်။ အရင်တုန်းက နိုင်ငံရေးမှုနဲ့ ထောင်ကျဖူးတဲ့
သူတွေကိုရော ၊ အခုလက်ရှိ ထောင်ကျနေကြတဲ့ ဒီမိုကရေစီ သူရဲကောင်းတွေကိုရော ကျနော် အမြဲတမ်း ဦးညွတ်နေတာပါ။
အန်တီစု အကျယ်ချုပ်က လွတ်လာရင် NLD ရုံးချုပ်မှာရုံးထိုင်ဖို့အတွက် ရုံးခန်းကို ပြင်ဆင်ပေးထားတဲ့ အလှူရှင်တွေရဲ့စာရင်းကို ဖော်ပြတော့
နာမည်တွေနောက်မှာ ကွင်းစကွင်းပိတ်နဲ့ ထောင်ဘယ်နှနှစ်ကျ ဆိုပြီးထည့်ရေးထားတာ။ထောင်ကျဖူးတာကို လွတ်လပ်ရေးမော်ကွန်းဝင်
ပုံစံမျိုးရေးပြီး ကိုယ့် ကိုယ်ကို နိုင်ငံရေး သိဒ္ဓိတင် တာလားလို့မေးချင်စရာပါ။ ထောင်မကျဖူးရင် နိုင်ငံရေးအရ ဘာကောင်မှမဟုတ်တော့သလို
ဖြစ်နေတယ်ဗျ။

ပြီးတော့ နိုင်ငံရေးနဲ့ပတ်သက်တဲ့ တော်တော်များများရဲ့သဘောထားနဲ့အမြင်။ အစိုးရ က ဝန်ထမ်းတိုင်း ပါတီနိုင်ငံရေးကင်းရှင်းရမည် တို့ ၊ နိုင်ငံရေးလုပ်တဲ့သူတွေကို
ပြင်းပြင်းထန်ထန်ထောင်ချတာတို့ ၊ နိုင်ငံရေးလုပ်တဲ့သူတွေရဲ့သားသမီးတွေ အရပ်ထဲ ကျောင်းထဲမှာ ဝိုင်းပယ်ခံရတာတို့ ဘာတို့
ဖြစ်တဲ့အခါကျတော့ တော်တော်များများက နိုင်ငံရေး ဆိုတာကို မတို့မထိအပ်တဲ့ အရာ ၊ကြောက်စရာကြီးလို့ ထင်နေကြပါတယ်။
ကျနော် မှတ်သားမိသမျှ နိုင်ငံရေး (politics) ရဲ့ မူလအဓိပ္ပါယ် က (to make a better community) ကိုယ်နေထိုင်နေတဲ့ လူ့အဖွဲ့အစည်း ကို ပိုမိုကောင်းမွန်တဲ့ လူ့အဖွဲ့အစည်း
ဖြစ်အောင် လုပ်ဆောင်ကြတာကိုပြောတာပါ ။ အခုနောက်ပိုင်း ခေတ်သစ်အဘိဓာန်တွေ နဲ့ online dictionary အကုန်လုံးမှာ တော့ အဲဒီအဓိပ္ပါယ်မျိုးဖွင့်ထားတာ တစ်ခုမှမရှိကြတော့ပါဘူး။ "တိုင်းပြည်တစ်ပြည် သို့မဟုတ် နေရာဒေသတစ်ခု အားစီမံအုပ်ချုပ်ခြင်း နှင့် ထိုကဲ့သို့သောကိစ္စများအား လုပ်ကိုင်ဆောင်ရွက်ချင်း" လို့ပဲ
အနက်ပေးကြပါတော့တယ်။ အဲဒီတော့ အစိုးရကိုဆန့်ကျင်ကန့်ကွက်နေမှ နိုင်ငံရေး ၊ ပါတီထောင်မှ နိုင်ငံရေး ဒီလိုတွေဖြစ်ကုန် ကြပါတယ်။
နိုဝင်ဘာ (၁၄) ရက် အန်တီစု အကျယ်ချုပ်ကလွတ်လာပြီး ပြောတဲ့မိန့်ခွန်းထဲမှာ တော့ အိမ်မှာ ထမင်းချက်၊ ကလေး
ထိန်းတာလည်း နိုင်ငံရေးပဲလို့ ပြောသွားပါတယ် ။ အဲဒီလောက်အထိ တော့ကျနော်လည်းလိုက်စဉ်းစားလို့ မမှီပါ။ ကျနော်နားလည်ထားတာက ကိုယ်နေထိုင်ရပ်တည်နေတဲ့ မြို့ရွာ ၊ နေရာဒေသ ၊ တိုင်းပြည် နိုင်ငံကို ပိုပြီးနေပျော်စရာနေရာ
ဖြစ်လာအောင် ကြိုးပမ်းအားထုတ်ကြတာ နိုင်ငံရေး  (politics) ပါပဲ ။
အခုကျနော် တို့ချစ်တဲ့တိုင်းပြည်ကို နေပျော်စရာ ( လောကပါလတရားထွန်းကားတဲ့ ) နေရာ ဖြစ်လာအောင်လို့
ကျိုးပမ်းအားထုတ်နေတဲ့အတွက် ဒါနိုင်ငံရေးလုပ်နေတာပါပဲ ။ " ဟာ  ပြန်လည်သင့်မြတ်ရေးလုပ်နေတာပဲ၊
ဒါနိုင်ငံရေးမှမဟုတ်တာ " ဆိုတဲ့ဝေ့လည်ကြောင်ပတ် စကားမျိုး ကျနော် မပြောချင်ပါဘူး။

နောက်တစ်ခု အကိုပြောတဲ့ အစွဲကင်းဖို့ကိစ္စ ။ ကျနော့် တကိုယ်စာ သဘောကတော့ တိုင်းပြည်ကိုဘယ်သူပဲအုပ်ချုပ်အုပ်ချုပ်
တိုင်းသူပြည်သားတွေရဲ့ လူသားဖြစ်မှုအပေါ်တန်ဖိုးထားတဲ့ ဘယ်အစိုးရ ဘယ်စနစ်မျိုးကိုမဆို လက်ခံဖို့အသင့်ပါ ခင်ဗျာ။
 အရင် ထိုင်းဝန်ကြီးချုပ်သက်ဆင် လို ဒီမိုကရေစီကို ခုတုန်းလုပ်ပြီး လူလယ်ကျ အမြတ်ထုတ် နေရင်လည်း ကျနော်တို့
လက်ခံမှာ မဟုတ်ပါဘူး။
ကျနော့် ကိုပုဂ္ဂိုလ် စွဲရှိတယ်ထင်မှာစိုးလို့  ဘလော့ဂ်ပေါ်မှာ ဗိုလ်ချုပ်အောင်ဆန်း ပုံတို့ အန်တီစု ပုံတို့ မတင်ပဲ
တိုင်းနဲ့ပြည်နယ် နယ်နိမိတ်မျဉ်းတောင် မပါတဲ့ မြန်မာပြည်မြေပုံ အလွတ်တစ်ခုကိုပဲတင်ထားတာပါ အကို။
 ပုံတွေ အကြောင်းစကားစပ်မိတုန်း အခုတင်ထားတဲ့ဗီဒီယို အကြောင်းတခါတည်းဆက်ပြောပါရစေ ။သည်းငြီးခံပြီး
ခဏလောက် ဆက်ဖတ်ကြပါတော့ဗျာ။ အမှန်တကယ်ကျနော်တင်ချင်တာက Green Day  ရဲ့ Working Class Hero တစ်ခုတည်းဗျ ။ သူ့တစ်ခုထဲ
ဘယ်လိုမှခွဲထုတ်လို့ မရလို့အောက်က မဆီမဆိုင်ဟာတွေနဲ့ပါ အတွဲလိုက်တင်ထားရတာ။ အဲဒီဟာကိုသိတဲ့သူရှိရင်
ဘယ်လိုလုပ်ရတယ်ဆိုတာအကြံပေးကြပါဗျာ။ Working Class Hero  ကို The Beatles က John Lennon  ရေးခဲ့တာပါ ။ ခေတ်အဆက်ဆက် နာမည်ကြီးတဲ့အဆိုတော်တွေရော
မကြီးတဲ့အဆိုတော်တွေရော ပြန်ဆို (cover) ကြတာ အခါနှစ်ဆယ်လောက်ရှိနေပါပြီ။အခု Green Day က ဆူဒန် နိုင်ငံ ဒါဖော (Darfur) ဒေသမှာဖြစ်တဲ့
မျိုးတုန်းသတ်ဖြတ်မှုတွေကို နိုင်ငံတကာက အာရုံစိုက်လာအောင်  American Idol (အခုမြန်မာပြည်မှာလုပ်နေတဲ့ Melody World  လိုဟာမျိုး ) ရဲ့နောက်ဆုံး ဖိုင်နယ်ရှိုးတစ်ခုမှာ
တက်ဆိုထားတာပါ။ သီချင်းစာသားတွေက မြန်မာပြည်ရဲ့ နှစ်ပေါင်းငါးဆယ် အာဏာရှင်စနစ်အောက်ကအခြေအနေတွေနဲ့ တစ်ထပ်တည်းနီးပါး
ဖြစ်နေလို့ တင်ထားတာပါခင်ဗျ။
ပြီးတော့ အခုတလော ဖယ်ဒရယ်ပြည်ထောင်စု အကြောင်းရေးနေတဲ့ ကိုထွန်းအောင်ကျော် နဲ့လည်းအဆက်အသွယ်ရပါတယ်။
 ကိုထွန်းအောင်ကျော် ကလည်းသူ့ဆောင်းပါးတွေ http://www.phopa-dwm.blogspot.com/ ကို အချိန်မရွေးယူသုံးလို့ရပါတယ်လို့ ခွင့်ပြုချက်ပေးလာတဲ့ အတွက် တအားတက်ရပြန်ပါတယ် အကို ။
ကျနော်က လူပေါင်းစုံနဲ့ စကားပြောချင်တဲ့အတွက် စုံနိုင်သမျှစုံလေ ကောင်းလေပဲလို့ ယူဆထားပါတယ်။

အကိုနှင့်တကွ ချစ်သောညီအကိုမောင်နှမများအားလုံးရွှင်လန်းကျန်းမာကြပါစေခင်ဗျား
   လေးစားစွာဖြင့်
            ဝါခေါင်